Սևանի ստեղծագործ երիտասարդներին կարելի է գտնել այստեղ։
«Բոհեմ» արվեստանոց-թեյարանը սոցիալական ձեռնարկություն է, որի հիմնական նպատակն է Սևան քաղաքում ստեղծել մշակութային միջավայր, դառնալ ստեղծագործող երիտասարդների համար ինքնաարտահայտման և ինքնաիրացման հարթակ և վերջապես վերածվել քաղաքի բնակիչներև և հյուրերի ամենասիրելի վայրերից մեկի, եթե ոչ՝ ամենասիրելի: Այստեղ արվեստի ու ազատության մթնոլորտում կգտնենք հոգու և մտքի ներդաշնակություն: Քանի որ արվեստանոց-թեյարանը սոցիալական ձեռնարկություն է, շահույթի 50+ % ը ուղղվում է համայնքում մշակութային կյանքի աշխուժացմանը միտված ծրագրերին (օրինակ՝ ամենամյա Սևան երաժշտական փառատոնը):
Այստեղ, բացի մշակութային ժամանցը, կարող եք համտեսել հայկական ավադական խոհանոցի ճաշատեսակներ, ինչպես նաև թեյերի բազմապիսի տեսականուց ընտրել ձերը։