Այս տարի ևս գրքահավաքը տվեց հրաշալի արդյունք:
Համայնքի տարբեր կառույցներ և պարզապես անհատներ միացին նախաձեռնությանը:
Սևան երիտասարդական ակումբը նախատեսել էր այս տարի բավարարվել միայն Գրենոբլի հայ համայնքի երեխաների համար գրքերի հավաքագրումով: Սակայն շուտով մեր համաքաղաքացի Հեղինե Ղարիբյանն էլ միացավ նախաձեռնությանը` առաջարկելով արցախյան զրամասերից մեկի համար գրքեր հավաքագրել :
Երկու գաղափարները միանալով իրար` դարձան մի մեծ ԳՐՔԱՀԱՎԱՔ:
Մեզ միացան Սևանի քաղաքապետարանի աշխատակիցները, Մ.Մաշտոցի անվան թիվ 1 հիմնական և Գոմաձորի թիվ 6 միջնակարգ դպրոցները և պարզապես ակտիվ քաղաքացիներ: Հավաքագրվեց մոտ 350 կտոր գրականություն:
Այս տարվա կարգախոսն էր «Հաղորդակցվիր գրքով» և, բացի գրքերից, նախաձեռնության մասնակիցներն իրենց գրքերի հետ գրել էին նամակներ թե’ Գրենոբլի հայ համայնքի երեխաներին և թե’ հայ զինվորներին:
Թվային աշխարհի պրակտիկ ու հեշտ սովորույթների մեջ գրեթե վերացել է թղթով նամակ գրելու հաճելի և ստեղծագործ մշակույթը: Այս նախաձեռնության նպատակն էր` վերականգնել այն և գրքի հետ միասին «հաղորդագրություն» ուղարկել ` լի ոգևորությամբ, լավ ու բարի մաղթանքներով և իհարկե հետադարձ կապի ակնկալիքով:
