Փետրվարի 28-ին Սևան երիտասարդական ակումբն այցելեց Դիլիջանի զորամաս` նախօրոք հայտարարված ”Մեր զենքը մեր գիրքն է ” գրքահավաքի արդյունքում հավաքված ավելի քան 200 կտոր գիրք նվիրելու ` մեր հայրենիքի տոկուն զինվորներին, ովքեր սեփական նախաձեռնությամբ ցանկություն էին հայտնել` ունենալ գրադարան: Նույն նպատակով զորամաս էին այցելել նաև ակտիվ երիտասարդների նախաձեռնող խումբ Երևանից`Տիգրան Հարությունի (ընկեր) Սարգսյանի գլխավորությամբ և Դիլիջանի Սբ․Խաչ եկեղեցու երիտասարդաց միության երիտասարդները: Միասին հնարավորինս փորձեցինք մեր և մեր զինվորների օրը դարձնել տոնական: Զորամաս այցելելուց զատ մասնակցեցինք Դիլիջանի Սբ․Խաչ եկեղեցում Սբ․Պատարագի, եղանք նաև Դիլիջանի մի քանի տեսարժան վայրերում` անցկացնելով ընկերական հաճելի ժամանց դիլիջանցի և երևանցի ընկերների հետ միասին:
Հ.Գ.
Ցանկանում ենք մեր խորին շնորհակալությունն հայտնել մեր այն բոլոր համաքաղաքացիներին ու ոչ համաքաղաքացիներին, ովքեր մասնակցեցին և օգնեիցն իրականություն դարձնել այս լավ ու գեղեցիկ նախաձեռնությունը` դարձնելով բարի ու լավ հիշողություն մեր և զինվորների կյանքում :
