Այսօր Սևան քաղաքում գոյություն ունի վառ և նորարար միջավայր՝ ձեռներեցության զարգացման համար։
Քաղաքի կենտրոնական հատվածում կառուցված բիզնես կենտրոն գալիս են դեռևս առաջին քայլերն անող սկսնակ ձեռներեցները, արդեն ճանապարհ անցած փորձառու գործարարները, բիզնես ոլորտի փորձագետները, գործարար միջավայրի բարելավմանն ուղղված ստարտափերի հեղինակները, ուսանողները, աշակերտները, կամավորները:
«ԵՄ-ն Սևանի համար բիզնեսի զարգացման և նորամուծության ՓՄՁ հարթակ» ծրագրի շրջանակներում ԵՄ համաֆինանսավորմամբ ստեղծված այս կառույցը հաճելիորեն կզարմացնի քաղաքի գործարար մշակույթով հետաքրքրվող զբոսաշրջիկներին։
