Նոյեմբերի 7 -ին, Սևանի տոնին ընդառաջ, Սևանի Սբ. Հրեշտակապետաց տոնի օրը , հենց եկեղեցու բակից մեկնարկեց Սևան երիտասարդական ակումբի նախաձոռնած մեր քաղաքում առաջին հեծանվաերթը, որը վստահաբար կստանա պարբերական բնույթ:
Հեծանվաերթի մասնակից պատանիներն ու երիտասարդները մեծ ոգևորությամբ ազդարարեցին այսուհետ այս մշակույթի մեր կյանք ներմուծուման մասին : Թե ինչ ոգևորություն էր տիրում ամբողջ ընթացքում դժվար է նկարագրել բառերով: Մասնակիցներն անցնելով ամբողջ Նաիրյան փողոցի երկայնքով՝ հասան վերջնակետին՝ Հ.Դանիելյանի անվան հրապարակ, որն այսուհետ ոչ փաստացի կկոչվի Հեծանվասերների պուրակ: Խաչմերուկներին հսկում էին մեր քաղաքի ոստիկաններն ՝ ապահովելով անվտանգությունը: Այսպիսվ հիմք դրվեց մեր Հեծանվասերների ակումբին, որի անդամները կդառան այս մշակույթի կրողներն ու ջատագովները :
Հեծանվաերթի մասնակիցներից ամենափոքրը 8 ամյա Միքայելն էր, ով նույնիսկ հետ ընկնելով շարասյունից, համառորեն, անկոտրուն , ճեղքելով մեքենաների խիտ երթևեկությունը ՝ ինքնուրույն հասավ վերջնակետին, իսկ տարիքով ամենամեծը մեր քաղաքի հոգևոր հովիվ Տեր Ստեփանոս քհն. Իգնաթևոսյանն էր, ով իր կենսուրախ ու դրական կերպարով վարակում էր շրջապատին: Ապիսով, մեծ թե փոքր, հոգևորական , թե աշխարհիկ, աշակերտ , թե աշխատող , բոլորս միասին վերահաստատում ենք այն միտքը, որ մենք ուզում ենք ապրել ԱՌՈՂՋ, ՈՒՐԱԽ ու ՊՈԶԻՏԻՎ:
Միացեք մեր ՀԵԾԱՆՎԱՅԻՆ ՀԵՂԱՓՈԽՈՒԹՅԱՆԸ..
Լուսանկարներ ՝
Շնորհակալություն նաև Գեղամա TV -ին՝ լուսաբանելու համար
