Շուտով կմեկնարկի հրաշալի մի ծրագիր, փոքրիկ սոցիալական ձեռնարկություն` մեր երիտասարդների նախաձեռնությամբ, որի հիմնական նպատակն է հնարավորինս քչացնել պոլիէթիլենային տոպրակների օգտագործումը Սևանա լճի ավազանում և արտադրանքի հասույթի 50+n % ը տրամադրել քաղաքում այս հիմնախնդրի լուծմանն ուղղված երիտասարդական ու պատանեկան ծրագրերի իրականացմանը` մասնավորապես միտված հասարակական գիտակցության բարձրացմանը տեղեկատվության տարածմանը:
Նորաձև ու բնության համար անվնաս տոպրակները շուտով կդառնան մեր քաղաքում N 1 ին թրենդը և հատուկ ու յուրօրինակ մարդկանց ձեռքի անբաժան մասը, ինչպես նաև հատուկ և թանկ մարդկանց նվիրելու ամենաօրիգինալ ու բացառիկ նվերը: Իսկ խանութներում որպես պոլիէթիլենին այլընտրանք կհայտնվեն հասարակ թղթե տոպրակներ, որոնց կիրառումը հասարակական գիտակցության բարձրացման հետ զուգահեռ կաճի:
Այն վատ սովորությունները , որի արմատներն հաստացրել են մեր ավագ սերնդից շատերը , հիմա արմատախիլ պիտի անեն ԵՐԻՏԱՍԱՐԴՆԵՐԸ: Հիշեցնենք, որ արդեն մեկնարկել են Սևանի հանրակրթական դպրոցներում «Անմահ աղբը » թեմայով հանդիպումների շարքը` պոլիէթիլենի վնասակար ազդեցությունների մասին խաղ- դասընթացները:
ԱՅՈ, մենք պատրաստվում ենք հեղափոխություն մտցնել մեր առօրյայում, թվացյալ հարմարավետությանը հակակշռել բարձր գիտակցությունը:
Այնպես որ գնացինք…Հաջողություն մեր ԿԱՆԱՉ, ՄԱՔՈՒՐ, ԱՆՎՆԱՍ ու ՍՏԵՂԾԱԳՈՐԾ գործերին :
Հ.Գ.
Առաջին փորձարկումը..
Արմինեն դարձավ առաջին մարդը, ում անունն առաջինն ասեղնագործեց մեր մեքենան 
Ամեն մարդ կարող է լինել հաջորդը )
