Սևան Երիտասարդական ակումբն իր աշխատանքային տարին մեկնարկեց սիրահարների բարեխոս Սուրբ Սարգսի տոնին նվիրված տոնախմբությամբ:Հունվարի 22-ին Սևան-ի սրբ. Հրեշտակապետաց եկեղեցու հետ համատեղ ջանքերով Սևան Երիտասարդական ակումբն այս տարի ևս Սուրբ Սարգսի տոնը յուրօրինակ ձևով նշեց: Երեկոյան ժամերգությունից հետո Սևանի հեգևոր առաջնորդ տեր Ստեփանոս քհն. Իգնաթևոսյանի ուղեկցությամբ երիտասարդները եկեղեցու բակում սկսեցին տոնել բոլոր սիրահարների օրը: Ակումբի երիտասարդները պատրաստել էին աղի բլիթներ,որոնք բաժանեցին ներկաներին: Երեկոյան ցուրտ եղանակը չկարողացավ փչացնել ներկաների բարձր տրամադրությունը և երիտասարդները ուրախ շուրջպար բռնեցին: Ազգային պարերը և ուրախ երաժշտությունը վարակիչ էր, և ներկաները՝ անտեսելով ցուրտը,շարունակում էին տոնել: Իսկ երեկոյի ավարտին Սևանի երկինքը զարդարեցին տասնյակ վառվող օդապարիկներ:
հաջորդ օրը՝ հունվարի 23-ին, Սուրբ Հերաշտակապետաց եկեղեցում տեղի ունեցավ երիտասարդների օրհնության կարգ:
Սիրահարների բարեխոս Սուրբ Սարգիսը թող հովանավոր լինի բոլոր երիտասարդներին,իսկ նրանք,ովքեր այս տարի չհասցրեցին ուտել Սևան երիտասարդական ակումբի պատրաստած աղի բլիթները և երազում չհանդիպեցին իրենց ասպետին,հոգ չէ, կհանդիպենք հաջորդ տարի:
Նյութը պատրաստեց Արեգնազ Թովմասյանը
Լուսանկարները` Սասուն Մինասյան, Կոլյա Հայրապետյան , Գոհար Մնացականյան
